Kanz al-Ummal: Hadith 36566

٣٦٥٥٦۔۔۔ فضالہ بن ابی فضالہ انصاری کی روایت ہے کہ ایک مرتبہ میں اپنے والد کے ساتھ ینبع کی طرف حضرت علی (رض) کی عیادت کرنے گئے آپ (رض) ینبع میں بیمار تھے حتیٰ کہ بیماری کی وجہ سے آپ سخت بوجھل ہوچکے تھے آپ (رض) سے میرے والد نے کہا : آپ یہاں کیوں مقیم ہوچکے ہیں اگر آپ یہاں مرجاتے ہیں آپ کے پاس تو صرف قبیلہ جہینہ کے اعراب ہی آنے پائیں گے لہٰذا آپ سوار ہو کر مدینہ پہنچ جائیں اگر آپ کا وقت پورا ہو بھی چکا ہے تو وہاں آپ کے ساتھ آپ سے مل پائیں گے اور آپ پر نماز بھی پڑھیں گے ابو فضالہ بدری صحابہ (رض) میں سے تھے حضرت علی (رض) نے فرمایا : میں اس بیماری سے نہیں مروں گا چونکہ رسول کریم (صلی اللہ علیہ وآلہ وسلم) نے مجھ سے وعدہ کیا ہے کہ میں اس وقت تک نہیں مروں گا جب تک کہ میری داڑھی سر کے خون سے آلود نہ ہوجائے۔ (رواہ عبداللہ بن احمد بن حنبل وابن ابی شیبہ والبزار والحارث وابو نعیم والبیہقی فی الدلائل وابن عساکر ورجالہ ثقات)