Kanz al-Ummal: Hadith 36604

٣٦٥٩٤۔۔۔ ” مسند جابر بن عبداللہ “ غزوہ احد میں جب لوگ رسول کریم (صلی اللہ علیہ وآلہ وسلم) سے دور ہوگئے تو آپ (صلی اللہ علیہ وآلہ وسلم) کے پاس صرف طلحہ (رض) باتی رہے مشرکین نے ان دونوں کو گھیر لیارسول کریم (صلی اللہ علیہ وآلہ وسلم) نے فرمایا : ان مشرکین کا سامنا کون کرے گا ؟ حضرت طلحہ (رض) نے فرمایا : ان کا سامنا میں کروں گا چنانچہ طلحہ (رض) ہر طرف سے مشرکین کو پیچھے دھکیلنے لگے اور اسی دوران حضرت طلحہ (رض) کی انگلیاں کٹ گئیں اس پر کہا : حسن (یہ ایک کلمہ ہے جو تکلیف پہنچنے پر غفلت میں انسان کے منہ سے نکل جاتا ہے) رسول کریم (صلی اللہ علیہ وآلہ وسلم) نے فرمایا : اے طلحہ ! اگر تم ” بسم اللہ “ کہہ دیتے یا اللہ تعالیٰ کا ذکر کرلیتے فرشتے تمہیں اوپر اٹھالیتے لوگ تمہیں دیکھتے رہ جاتے اور تم ہوا کے دوش پر فضا کو چیرتے ہوئے آسمان میں داخل ہوجاتے۔ (رواہ ابو نعیم)