Kanz al-Ummal: Hadith 36610

٣٦٦٠٠۔۔۔ زہری کی روایت ہے غزوہ احد کے موقع پر جب مسلمانوں کو شکست ہوئی اور رسول اللہ (صلی اللہ علیہ وآلہ وسلم) سے دور ہوگئے حتیٰ کہ آپ کے پاس مہاجرین و انصار میں سے صرف بارہ آدمی باقی رہے ان میں سے ایک طلحہ (رض) بھی تھے ایک مشرک تلوار لے کر رسول اللہ (صلی اللہ علیہ وآلہ وسلم) کے چہرہ اقدس پر ضرب لگانے کے لیے آگے بڑھا حضرت طلحہ (رض) نے تلوار کا وار اپنے ہاتھ پر روکا اور جب تلوار ہاتھ پر لگی کہا : ” حسن “ رسول اللہ (صلی اللہ علیہ وآلہ وسلم) نے فرمایا : اے طلحہ ! رک جا تم نے بسم اللہ “ کیوں نہیں کہا اگر تم بسم اللہ کہہ دیتے یا اللہ کا ذکر کردیتے فرشتے تمہیں اوپر اٹھالیتے اور لوگ تمہیں دیکھتے رہ جاتے۔ (رواہ ابن عساکر)