Kanz al-Ummal: Hadith 36724

٣٦٧١٤۔۔۔ حضرت عبد الرحمن بن ابی بکرہ کی روایت ہے کہ ہم حضرت معاویہ (رض) کے پاس وفد کی شکل میں حاضر ہوئے ہمارے ساتھ ابوبکر (رض) بھی تھے معاویہ (رض) نے کہا : اے ابوبکر (رض) ہمیں کوئی حدیث سناؤ جو تم نے رسول اللہ (صلی اللہ علیہ وآلہ وسلم) سے سنی ہو ابوبکر (رض) نے فرمایا : رسول اللہ (صلی اللہ علیہ وآلہ وسلم) کو اچھا خوب سنا دل کو بیانا تھا آپ سے خواب کی تعبیر لی جاتی تھی چنانچہ ایک دن آپ (صلی اللہ علیہ وآلہ وسلم) نے فرمایا : تم میں سے کسی شخص نے خواب دیکھا ہے ؟ صحابہ (رض) میں سے ایک شخص بولا : یا رسول اللہ ! میں نے آج رات خواب میں ترازو دیکھا جو آسمان سے لٹکا ہوا تھا۔ چنانچہ آپ کو اور ابوبکر کو ترازو میں تو لا گیا آپ کا پلڑا بھاری نکلا پھر ابوبکر و عمر (رض) کو ترازو میں رکھا گیا ابوبکر عمر (رض) پر بھاری نکلے پھر عمرو عثمان (رض) کا وزن کیا گیا عمر (رض) عثمان (رض) پر بھاری نکلے پھر ترازو اٹھا لیا گیا یا رسول اللہ ! آپ مجھے اس کی تعبیر بتلاوں چنانچہ رسول اللہ (صلی اللہ علیہ وآلہ وسلم) نے اس کی تعبیر بتلائی کہ اس سے مراد نبوت کی خلافت ہے پھر اللہ تعالیٰ جسے چاہے گا بادشاہت عطا فرمائے گا رسول اللہ (صلی اللہ علیہ وآلہ وسلم) نے فرمایا : جس نے ناحق کسی کو قتل کیا وہ جنت کی خوشبو نہیں پائے گا حالانکہ جنت کی خوشبو پانچ سو سال کی مسافت سے پائی جاتی ہے رسول اللہ (صلی اللہ علیہ وآلہ وسلم) نے یہ بھی فرمائی : حوض پر میرے پاس میرے صحابہ (رض) میں سے بہت سے لوگ وارد ہوں گے وہ جب میرے پاس لائے جائیں گے مجھ سے پرے ہی روک دئیے جائیں گے میں کہوں گا میرے صحابہ (رض) تو بہت سارے ہیں جواب دیا جائے گا : تمہیں نہیں معلوم کہ تمہارے بعد انھوں نے کہا کیا ہے۔ (رواہ ابن عساکر)