Kanz al-Ummal: Hadith 36743

٣٦٧٣٣۔۔۔ ” ایضاً “ ابو حفص عمر بن عبد المجید المیانشی (نے مجالس مکیہ میں لکھا) شیخ امام زین الدین ابو محمد عبداللہ شمیلہ بن ابی ہاشم حسنی شیخ امام زاہد ابو سعید محمد بن سعید ریحانی (یہ ١٢٠ سال زندہ رہے) سالم بن عبداللہ بن سالم (یہ ١٣٠ سال زندہ رہے) ابو دینا اشج کہتے ہیں مجھے حضرت علی (رض) نے حدیث بیان کی کہ رسول کریم (صلی اللہ علیہ وآلہ وسلم) نے ارشاد فرمایا : عرش صرف ابوبکر عمر عثمان اور علی (رض) کی محبت ہی سے ثابت رہ سکتا ہے اور عرش کے ارکان صرف جبرائیل ، میکائیل ، اسرافیل اور اللہ عزوجل کے خادم فرشتوں ہی کی محبت سے اٹھایا جاسکتا ہے۔
کلام : ۔۔۔ میانشی کہتے ہیں یہ حدیث درجہ حسن میں ہے اور یہ حسن کے درجہ تک پہنچی ہے مصنف کہتے ہیں : شیخ جلال الدین سیوطی (رح) کہتے ہیں : اللہ کی قسم ! یہ حدیث نہ حسن ہے اور نہ ہی ضعیف ہے بلکہ باطل ہے چونکہ ابو دنیا بڑے بڑے کذابوں میں سے ایک کذاب ہے چنانچہ تین سو سال کے بعد اس نے دعوی کردیا کہ اس نے حضرت علی (رض) سے سماع کیا ہے تاہم لوگوں نے سختی سے اس کی تکذیب کی ہے تعجب تو میانشی کے قول سے ہوا ہے کہ یہ حدیث حسن ہے۔