Kanz al-Ummal: Hadith 36750

٣٦٧٤٠۔۔۔ ” مسند سعید بن زید “ رجاح بن حارث کی روایت ہے کہ ہم کوفہ کی بڑی مسجد میں تھے، حضرت مغیرہ بن شعبہ (رض) چارپائی پر تشریف فرما تھے حضرت سعید بن زید (رض) بولے : میں نے رسول کریم (صلی اللہ علیہ وآلہ وسلم) کو ارشاد فرماتے سنا ہے کہ ابوبکر جنت میں عمر جنت میں عثمان جنت میں علی جنت میں طلحہ جنت میں زبیر جنت میں عبد الرحمن بن عوف جنت میں سعد جنت میں اگر نویں مومن کا میں نام لینا چاہوں تو لے سکتا ہوں لوگوں نے کہا : ہم آپ کو اللہ تعالیٰ کا واسطہ دیتے ہیں کہ وہ نویں مومن کون ہیں ؟ سعد (رض) بولے : جب تم مجھے واسطہ دیتے ہو تو مومنین میں سے نواں شخص میں ہوں اور رسول کریم (صلی اللہ علیہ وآلہ وسلم) دسویں ہیں۔ پھر کہا : بخدا صحابہ (رض) میں سے کسی ایک کا رسول اللہ (صلی اللہ علیہ وآلہ وسلم) کے ساتھ گھڑی بھر کے لیے کھڑا ہونا اس سے بدرجہا افضل ہے کہ اگر تم میں سے کسی کو عمر نوح دی جائے۔ (رواہ احمد بن حنبل وابو نعیم فی المعرفۃ وابن عساکر)