Kanz al-Ummal: Hadith 36787

٣٦٧٧٧۔۔۔ ” ایضاً “ ابن عباس (رض) کی روایت ہے کہ ایک مرتبہ میں مدینہ کی گلیوں میں سے ایک گلی میں کتاب اللہ کی ایک آیت پڑھا جا رہا تھا یکایک میں نے اپنے پیچھے ایک آواز سنی کہ : اے ابن عباس اس آیت کی سند بیان کرو میں نے جو پیچھے مڑ کر دیکھا تو عمر بن خطاب (رض) ہیں میں نے کہا : میں آپ کو ابی بن کعب کی سند پیش کرتا ہوں۔ آپ (رض) نے اپنے غلام سے فرمایا : اس کے ساتھ ابی بن کعب کے پاس چلو اور اس سے کہو کیا تم ہی نے یہ آیت ابن عباس کو پڑھائی ہے ؟ ہم حضرت ابی (رض) کے پاس پہنچے ابھی ہم دروازے پر ہی پہنچے تھے کہ اتنے میں عمر (رض) تشریف لے آئے اور اجازت طلب کی ہم تینوں ابی (رض) کے پاس داخل ہوئے اتنے میں زید (رض) بھی کھرچن سے سرکھر چتے ہوئے آن پہنچے عمر (رض) کے لیے ایک تکیہ پھینک دیا اور آپ اس پر بیٹھ گئے جب کہ ابی (رض) یوں بیٹھے تھے کہ ان کا منہ دیوار کی طرف تھا اور پست حضرت عمر (رض) کی طرف عمر (رض) کی طرف عمر (رض) نے ہماری طرف متوجہ ہو کر فرمایا : یہ شخص ہمیں کچھ نہیں سمجھتا۔ پھر ابی (رض) عمر (رض) کی طرف منہ کرکے متوجہ ہوئے اور کہا : اے امیر المومنین ! مرحبا کیا آپ ہم سے ملاقات کرنے آئے ہیں یا کوئی کام سے ؟ فرمایا : نہیں بلکہ کام ہے۔ اے ابی ! لوگوں کو کیوں ناامید کرتے ہو ؟ ابن عباس کہتے ہیں : یہ آیت کی طرف اشارہ تھا جس میں شدت تھی، ابی (رض) نے جواب دیا : میں نے اس ہستی سے قرآن حاصل کیا ہے جس نے براہ راست جبرائیل امین سے حاصل کیا ہے اور قرآن اس وقت تازہ تازہ تھا حضرت عمر (رض) نے تالی بجائی اور اٹھ کھڑے ہوئے اور کہتے جا رہے تھے : اللہ کی قسم ! تم باز نہیں آؤ گے اور میں صبر کرنے والا بھی نہیں ہوں اللہ کی قسم ! تم باز نہیں آؤ گے اور میں صبر کرنے والا بھی نہیں ہوں۔ (رواہ ابن عساکر)