Kanz al-Ummal: Hadith 36812

٣٦٨٠٢۔۔۔ اسامہ بن زید (رض) کی روایت ہے کہ ایک دن میں بیٹھا ہوا تھا اتنے میں حضرت علی (رض) اور حضرت عباس (رض) آئے اور کہنے لگے : اے اسامہ ! رسول اللہ (صلی اللہ علیہ وآلہ وسلم) سے اجازت لو۔ میں نے عرض کیا یا رسول اللہ ! علی اور عباس (رض) اجازت طلب کر رہے ہیں ارشاد فرمایا : جانتے ہو وہ کیوں آئے ہیں ؟ میں نے عرض کیا : نہیں فرمایا : لیکن میں جانتا ہوں اچھا انھیں اجازت دو وہ دونوں اندر داخل ہوئے اور عرض کیا : یا رسول اللہ ! ہم آپ کے پاس اس لیے آئے ہیں تاکہ آپ سے پوچھیں کہ آپ کو اپنے خاندان میں سے سب سے زیادہ محبوب کون ہے آپ نے فرمایا : فاطمہ بنت محمد عرض کیا : ہم آپ سے آپ کے گھر والوں کے متعلق پوچھتے ہیں آپ نے فرمایا : مجھے لوگوں میں سب سے زیادہ وہ شخص محبوب ہے جس پر اللہ تعالیٰ نے انعام کیا ہے اور میں نے انعام کیا ہے یعنی اسامہ بن زید عرض کیا پھر کون ؟ فرمایا : علی بن ابی طالب حضرت عباس (رض) بولے : یا رسول اللہ ! آپنے اپنے چچا کو سب کے آخر میں کردیا۔ اس پر ارشاد فرمایا : چونکہ علی نے آپ سے پہلے ہجرت کی ہے (رواہ الطبرانی والتبر فدی وقال حسن صحیح والرویانی والبغوی والطبرانی والحاکم و سعید بن المنصور
کلام : ۔۔۔ حدیث پر کلام کیا گیا ہے دیکھئے ضعیف الترمذی ٨٠٠ والضعیفۃ ١٨٤٤۔