Kanz al-Ummal: Hadith 37064

٣٧٠٥٤۔۔۔ سلیمان سے مروی ہے کہ خارجہ بن زید بن ثابت کہتے ہیں : ایک مرتبہ چندلوگ میرے والد محترم کے پاس حاضر ہوئے اور کہنے لگے : ہمیں رسول اللہ (صلی اللہ علیہ وآلہ وسلم) کی بعض حدیثیں سناؤ زید (رض) نے فرمایا : میں تمہیں کیا کیا حدیثیں سناؤں ! میں تو رسول اللہ (صلی اللہ علیہ وآلہ وسلم) کا پڑوسی تھا جب وحی نازل ہوتی مجھے پیغام بھیجوا کر اپنے پاس بلالیتے تھے اور میں وحی لکھ لیتا تھا جب ہم (صحابہ (رض)) آخرت کا ذکر کرتے آپ (صلی اللہ علیہ وآلہ وسلم) بھی ہمارے ساتھ سات شامل ہوتے جب ہم دنیا کا ذکر کرتے آپ بھی ہمارے تذکرہ میں شامل ہوتے جب ہم کھانے پینے کا ذکر کرتے آپ بھی ہمارے ساتھ ہوتے جب تم عورتوں کا ذکر کرتے آپ بھی ان کا ذکر کرتے ان تمام امور کے متعلق میں تمہیں رسول اللہ (صلی اللہ علیہ وآلہ وسلم) کی حدیثیں سنا سکتا ہوں۔ (رواہ ابن ابی داؤد فی المصاحف وابویعلی والرویانی والبیھقی وابن عساکر)