Kanz al-Ummal: Hadith 37129

٣٧١١٨۔۔۔” مسند الصدیق “ عبدالملک بن ہشام نے سیرت میں بیان کیا ہے مجھے ابوبکر زبیر نے حدیث سنائی ہے کہ ایک شخص حضرت ابوبکر صدیق (رض) کی خدمت میں حاضر ہوا جب کہ حضرت سعد بن ربیع (رض) کی ایک چھوٹی سی بچی ابوبکر (رض) کے سینے پر بیٹھی کھیل رہی تھی اور آپ (رض) اس کے بوسے لے رہے تھے اس شخص نے پوچھا : یہ بچی کون ہے ؟ ابوبکر (رض) نے فرمایا : یہ اس شخص کی بچی ہے جو مجھ سے افضل ہے یعنی سعد بن ربیع (رض) کی بچی ہے سعد بن ربیع (رض) بیعت عقبہ کے دن کے نقباء میں سے تھے جنگ بدر میں شریک رہے تھے اور غزوہ احد میں شہید ہوئے۔
کلام :۔۔۔ ابن کثیر کہتے ہیں یہ معضل ہے۔
فائدہ :۔۔۔ حدیث معضل وہ ہوتی ہے جس کی سند سے دو یا دو سے زائد راوی محذوف ہوں۔