Kanz al-Ummal: Hadith 37161

٣٧١٥٠۔۔۔ صہیب (رض) کی روایت ہے کہ حضرت ابوبکر (رض) ایک قیدی کے ساتھ گزرے تاکہ رسول اللہ (صلی اللہ علیہ وآلہ وسلم) سے اس کے لیے امان طلب کریں جب کہ صہیب (رض) مسجد میں تشریف فرما تھے : انھوں نے حضرت ابوبکر (رض) سے کہا : آپ کے ساتھ یہ کون ہے ؟ ابوبکر (رض) نے جواب دیا : یہ میرا قیدی ہے اور مشرک ہے میں اس کے لیے رسول اللہ (صلی اللہ علیہ وآلہ وسلم) سے امن طلب کرنے جارہا ہوں صہیب (رض) نے کہا : اس کی گردن میں تلوار کی جگہ ہے (یعنی اسے تو قتل کیا جائے گا) سن کر ابوبکر (رض) سخت غصہ ہوئے نبی کریم (صلی اللہ علیہ وآلہ وسلم) نے ابوبکر (رض) کو دیکھ کر فرمایا : غصہ کیوں ہورہے ہیں ابوبکر (رض) نے کہا : میں اپنے اس قیدی کو لیے صہیب کے پاس سے گزرا صہیب نے کہا : اس شخص کی گردن میں تلوار زنی کی جگہ ہے نبی کریم (صلی اللہ علیہ وآلہ وسلم) نے فرمایا : ہوسکتا ہے تم نے صہیب کو اذیت پہنچائی ہو۔ ابوبکر (رض) نے کہا : اللہ کی قسم نہیں : فرمایا : اگر تم نے اسے اذیت پہنچائی ہوتی بلاشبہ تم اللہ اور اس کے رسول کو اذیت پہنچاتے۔ (رواہ ابن عساکر)