Kanz al-Ummal: Hadith 37202

٣٧١٩١۔۔۔ ابن عباس (رض) کہتے ہیں : ایک مرتبہ میں اور میرے والد محترم نبی کریم (صلی اللہ علیہ وآلہ وسلم) کی خدمت میں حاضر تھے جب ہم آپ کے پاس سے اٹھ کر باہر نکل آئے میں نے والد سے عرض کیا : آپ نے رسول اللہ (صلی اللہ علیہ وآلہ وسلم) کے پاس بیٹھا ہوا شخص نہیں دیکھا ، میں نے اس سے خوبصورت شخص کوئی نہیں دیکھا والد نے کہا : وہ شخص خوبصورت تھا یا نبی کریم (صلی اللہ علیہ وآلہ وسلم) ؟ میں نے جواب دیا : وہ شخص خوبصورت تھا۔ والد بولے : ہمارے ساتھ واپس چلو ہم واپس لوٹ گئے اور آپ کے پاس جاپہنچے والوں نے کہا : یارسول اللہ ! وہ شخص کہاں چلا گیا جو آپ کے پاس بیٹھا ہوا تھا ؟ عبداللہ کا خیال ہے کہ وہ آپ سے زیادہ خوبصورت ہے آپ نے فرمایا : اے عبداللہ ! تم نے وہ شخص دیکھا ہے ؟ میں نے عرض کیا : جی ہاں ، فرمایا : وہ تو جبرائیل امین تھے جب تم دونوں میرے پاس آئے جبرائیل امین نے مجھے کہا : اے محمد ! یہ کون لڑکا ہے ؟ میں نے جواب دیا : یہ میرے چچا عباس کا بیٹا عبداللہ ہے جبرائیل امین نے کہا : یہ لڑکا سراپا خیر و بھلائی ہے۔ میں نے کہا : اے جبرائیل ! اللہ تعالیٰ سے اس کے لیے دعا کرو۔ جبرائیل امین بولے : یا اللہ ! اسے برکت عطا فرمایا اللہ ! اسے کثرت سے پاگیزگی عطا فرما (رواہ ابن النجار