Kanz al-Ummal: Hadith 37268

٣٧٢٥٧۔۔۔ وہب بن ابان قرشی کی روایت ہے کہ ابن عمر (رض) ایک سفر میں تھے ایک جگہ پہنچ کر یکاک لوگ کھڑے ہوگئے ابن عمر (رض) نے پوچھا یہ لوگ کیوں کھڑے ہیں ؟ جواب ملا : راستے میں شیرکھڑا ہے اور لوگ ڈر کے مارے آگے جا نہیں رہے ابن عمر (رض) سواری سے نیچے اترے شیر کا کان پکڑ کر انیٹھا اور پھر گردن سے پکڑ کر راستے سے الگ کردیا پھر فرمایا : میں نے رسول اللہ (صلی اللہ علیہ وآلہ وسلم) کو ارشاد فرماتے سنا ہے کہ آدمی پر وہی کچھ مسلط کردیا جاتا ہے جس سے وہ ڈرتا ہے اگر آدمی اللہ تعالیٰ کے سوا کسی سے نہ ڈرے تو اللہ تعالیٰ اپنے غیر کو اس پر مسلط نہیں کرے گا آدمی کسی شے کے سپرد کردیا جاتا ہے جس کی وہ امید کرتا ہے اگر ابن آدم اللہ کے سوا کسی سے امید وابستہ نہ کرے اللہ تعالیٰ اسے اپنے غیر کے سپرد نہیں کرے گا۔ (رواہ ابن عساکر)