Kanz al-Ummal: Hadith 37288

٣٧٢٧٧۔۔۔ معاویہ بن صالح کی روایت ہے کہ ابن بسر کہتے ہیں : مجھے میرے والدنے حدیث سنائی ہے کہ انھوں نے رسول اللہ (صلی اللہ علیہ وآلہ وسلم) سے عرض کی کہ ہمارے ہاں تشریف لائیں اور دعائے برکت فرمائیں۔ چنانچہ رسول اللہ (صلی اللہ علیہ وآلہ وسلم) تشریف لائے میری والدہ اٹھیں اور حشیش (ایک قسم کھا کھانا) پکایا جب کھانا تیار ہوا آپ نے (اور صحابہ (رض) نے) کھانا کھایا پھر پانی پلایا رسول اللہ (صلی اللہ علیہ وآلہ وسلم) نے پیا اور پھر اپنے دائیں بائیں بیٹھے لوگوں کو پلایا جب مشروب کا دوسرا جام لایا گیا تو رسول اللہ (صلی اللہ علیہ وآلہ وسلم) نے فرمایا : جام اس شخص کو تھماؤ جس کے پاس پہلا ختم ہوا ہے جب رسول اللہ (صلی اللہ علیہ وآلہ وسلم) کھانے اور پینے سے فارغ ہوئے تو ہمارے لیے دعا کی : یا اللہ : ان کی مغفرت فرما اور ان پر رحم کر اور انھیں رزق عطا فرما۔ کہتے ہیں : ہم نے آج تک اپنے گھر میں برکت اور رزق میں وسعت خوب دیکھی ہے۔ (رواہ ابن عساکر)