Kanz al-Ummal: Hadith 37330

٣٧٣١٩۔۔۔ ابراہیم بن سعدی ، مامون ، رشید ، مہدی ، منصور محمد بن علی ، اپنے والد سے عبداللہ کی سند سے عبداللہ بن عباس (رض) کی روایت منقول ہے کہ نبی کریم (صلی اللہ علیہ وآلہ وسلم) نے عباس (رض) سے فرمایا : پیر کی صبح اپنے گھر رہو میں آپ کے پاس آؤں گا چنانچہ حسب وعدہ نبی کریم (صلی اللہ علیہ وآلہ وسلم) تشریف لائے آپ نے کتان اور قطن کی ایک چادر اوڑھ رکھی تھی اور آپ دروازے کے دونوں پٹ پکڑ کر کھڑے ہوگئے اور فرمایا : کیا تمہارے درمیان تمہارے علاوہ کوئی اور بھی ہے ؟ عرض کیا : یارسول اللہ کوئی نہیں صرف ہمارے غلام ہیں آپ نے فرمایا : قوم کے غلام اسی قوم کے افراد ہوتے ہیں ہم آپ کے قریب جمع ہوگئے آپ نے ہمارے اوپر اپنی چادر تان لی اور فرمایا : یا اللہ ! یہ میرے چچا ہیں جو میرے باپ کی مانند ہیں یا اللہ دوزخ کی آگ سے انھیں اسی طرح پوشیدہ رکھ جس طرح میں نے انھیں چادر سے چھپالیا ہے۔ ابن عباس (رض) کہتے ہیں : اللہ کی قسم ہر چیز نے آمین کہا حتی کہ چوکھٹ کے بالائی حصہ نے بھی آمین کہا۔ (رواہ ابن النجار)