Kanz al-Ummal: Hadith 37446

٣٧٤٣٥۔۔۔” مسند عقلمہ بلوی “ علقمہ بن رمشہ کی روایت ہے کہ رسول کریم (صلی اللہ علیہ وآلہ وسلم) نے حضرت عمروبن العاص (رض) کو بحرین بھیجا پھر رسول اللہ (صلی اللہ علیہ وآلہ وسلم) خود بھی ایک سریہ کے ساتھ چل پڑے ہم بھی آپ کے ہمراہ تھے چانچہ رسول اللہ (صلی اللہ علیہ وآلہ وسلم) کی آنکھ لگ گئی اور پھر بیدار ہوگئے اور فرمایا : اللہ تعالیٰ عمرو پر رحم فرمائے : ہم آپس میں مذاکرہ کرنے لگے کہ عمرو کس کا نام ہے۔ ایک بار پھر آپ کی آنکھ لگ گئی اور پھر بیدار ہوئے اور فرمایا : اللہ تعالیٰ عمرو پر رحم فرمائے ہم نے عرض کیا : یارسول اللہ (صلی اللہ علیہ وآلہ وسلم) عمروکون ہے ؟ آپ نے فرمایا : عمروبن العاص۔ صحابہ (رض) نے عرض کیا : ان کا کیا حال ہے ؟ میں نے عمرو کو اس کیے یاد کیا ہے کہ جب بھی میں نے صدقہ لانے کا اعلان کیا عمرو نے صدقات دینے میں بڑھ چڑھ کر حصہ لیا۔ میں عمرو سے کہتا اے عمرو ! یہ کہاں سے لے آئے ہو ؟ وہ کہتا : اللہ تعالیٰ کے پاس سے لایا ہوں ۔ عمرو نے سچ کہا بلاشبہ اللہ تعالیٰ کے ہاں عمرو کیلئے بہت خیروبھلائی ہے۔ (رواہ یعقوب بن سفیان وابن مندہ وابن و عساکر والدیلمی وسندہ صحیح)