Kanz al-Ummal: Hadith 37450

٣٧٤٣٩۔۔۔” مسند عمر “ عبدالواحدبن ابی عون دوسی کہتے ہیں : حضرت طفیل بن عمرو (رض) نبی کریم (صلی اللہ علیہ وآلہ وسلم) کی خدمت میں حاضر ہوئے اور مدینہ ہی میں آپ کے ساتھ ٹھہرگئے حتیٰ کہ رسول اللہ (صلی اللہ علیہ وآلہ وسلم) اللہ کو پیارے ہوگئے آپ کی رحلت کے بعد عرب مرتد ہوگئے طفیل (رض) مسلمانوں کے ساتھ شامل ہو کر جہاد کے لیے روانہ ہوئے حتیٰ کہ طلیحہ اور سرزمین نجد سے فارغ ہوئے پھر مسلمانوں کے ساتھ یمامہ کی طرف روانہ ہوئے ان کے ساتھ ان کا بیٹا عمروبن طفیل (رض) بھی تھا چنانچہ جنگ یمامہ میں طفیل (رض) شہید ہوئے اور ان کا بیٹا عمروبن طفیل (رض) زخمی ہوا ان کا ہاتھ کٹ گیا اور بری طرح متاثر ہوا بعد میں ہاتھ صحیح ہوگیا : چنانچہ ایک مرتبہ عمروبن طفیل (رض) حضرت عمربن خطاب (رض) کے پاس تھے اتنے میں کھانا لایا گیا عمرو (رض) اس سے الگ حضرت عمر (رض) الگ ہوجانے کی وجہ دریافت کی اور فرمایا : کیا تم اپنے ہاتھ کی وجہ سے الگ ہوگئے ہو عرض کیا : جی ہاں عمر (رض) نے فرمایا : بخدا میں کھانا چھکوں گا بھی نہیں جب تک تم اپنے پاتھ سے کھاؤ گے نہیں عمرو (رض) نے کھانا شروع کیا : عمر (رض) نے فرمایا : بخدا ! قوم میں ایسا کوئی شخص نہیں جس کے بدن کا کچھ حصہ جنت میں پہنچ گیا ہو بجز تمہارے پھر عمرو (رض) نے حضرت عمر (رض) کے دور خلافت میں جنگ یرموک میں حصہ لیا اور اسی میں شہید ہوئے۔ (رواہ ابن سعد وابن عساکر)