Kanz al-Ummal: Hadith 37485

٣٧٤٧٤۔۔۔ حارثہ بن مضرب ، فرات بن حیان (رض) سے روایت نقل کرتے ہیں جب کہ رسول اللہ (صلی اللہ علیہ وآلہ وسلم) نے فرات (رض) کو قتل کرنے کا حکم دیا چونکہ فرات (رض) ابوسفیان کے جاسوس تھے۔ چنانچہ ایک مرتبہ فرات (رض) انصار کے حلقہ کے پاس گزرے اور کہا : میں مسلمان ہوں ایک انصاری بولا : یا رسول اللہ ! یہ کہتا ہے کہ میں مسلمان ہوں۔ رسول اللہ (صلی اللہ علیہ وآلہ وسلم) نے فرمایا : تم میں سے کچھ لوگ ایسے ہیں جنہیں ہم ان کے ایمان کے سپرد کردیتے ہیں ان میں سے ایک فرات بن حیان بھی ہے۔ (رواہ ابونعیم فی الحلیۃ)