Kanz al-Ummal: Hadith 37530

٣٧٥١٩۔۔۔ بریدہ کی روایت ہے کہ جب نبی کریم (صلی اللہ علیہ وآلہ وسلم) نے حضرت ماعزبن مالک (رض) کو رجم کرنے کا حکم دیا تو (ان کے زجم ہوجانے کے بعد) لوگ دوجماعتوں میں منقسم کہتے : ماعزبہت بری حالت میں ہلاک ہوا ہے اور اس کے گناہ نے اس کا احاطہ کرلیا ہے۔ بعض کہتے : ماعزبن مالک کی توبہ سے بڑھ کر افضل واعلی توبہ کسی کی نہیں ہوسکتی۔ چنانچہ ماعز (رض) نبی کریم (صلی اللہ علیہ وآلہ وسلم) کی خدمت میں حاضر ہوئے اور اپنا ہاتھ نبی کریم (صلی اللہ علیہ وآلہ وسلم) کے دست اقدس میں تھمادیا اور عرض کیا : مجھے پتھروں سے قتل کریں صحابہ (رض) نے ایسی حالت میں دو یاتین دن گزاردیئے پھر آپ تشریف لائے صحابہ کرام (رض) بیٹھے ہوئے تھے آپنے سلام کیا اور بیٹھ گئے پھر فرمایا : ماعزبن مالک کیلئے استغفار کرو صحابہ (رض) نے عرض کیا اللہ تعالیٰ نے ماعز کی مغفرت کردی ہے ؟ رسول اللہ (صلی اللہ علیہ وآلہ وسلم) نے فرمایا : ماعزنے ایسی توبہ کی ہے کہ اگر کسی امت میں تقسیم کی جائے تو انھیں کافی ہو (رواہ ابن جریر والحدیث فی صحیح البخاری کتاب الجدوباب من اعترف علی نفسہ بالزنا)