Kanz al-Ummal: Hadith 37534

٣٧٥٢٣۔۔۔ حضرت بریدہ (رض) کی روایت ہے کہ حضرت ماعزبن مالک (رض) نبی کریم (صلی اللہ علیہ وآلہ وسلم) کی خدمت میں حاضر ہوئے اور زنا کا اقرار کیا : رسول اللہ (صلی اللہ علیہ وآلہ وسلم) نے انھیں واپس کردیا ماعز (رض) پھر واپس لوٹ آئے اور زناکا اقرار کیا : پھر چوتھی بار آپ نے ماعز (رض) کی قوم سے پوچھا : کیا تم اس کی عقل میں کوئی فتور تو نہیں پاتے ؟ قوم نے جواب دیا نہیں۔ آپ نے رجم کرنے کا حکم صادر فرمایا : چنانچہ ماعزکوایسی جگہ رجم کیا گیا جہاں پتھر کم تھے جس کی وجہ سے موت واقع ہونے میں تاخیر ماعز (رض) ایسی جگہ کی طرف بھاگنے لگے جہاں پتھر زیادہ تھے لوگ بھی ان کے پیچھے پیچھے ہوئے لوگوں نے ان پر پتھر برسائے حتیٰ کہ انھیں قتل کردیا۔ پھر رسول اللہ (صلی اللہ علیہ وآلہ وسلم) سے صحابہ کرام (رض) نے ماعز (رض) کی کارگزاری سنائی آپ نے فرمایا : تم نے اس کا راستہ چھوڑ کیوں نہیں دیا پھر ان کی قوم نے رسول اللہ (صلی اللہ علیہ وآلہ وسلم) سے انھیں دفن کرنے اور نماز جنازہ پڑھنے کی اجازت کی آپ نے انھیں اجازت دی اور فرمایا : ماعزنے ایسی توبہ کی ہے کہ اس کی توبہ لوگوں کی مختلف جماعتوں میں تقسیم کی جائے سب کو کافی ہو۔ (رواہ البزار)