Kanz al-Ummal: Hadith 37544

٣٧٥٣٣۔۔۔ بنت محیصہ اپنے والد سے روایت نقل کرتے ہیں کہ رسول اللہ (صلی اللہ علیہ وآلہ وسلم) نے ارشاد فرمایا : یہودی مردوں میں سے جسے بھی قتل کرنے کا تمہیں موقع میسر ہوا سے قتل کردوچنانچہ محیصہ (رض) اٹھ کھڑے ہوئے اور یہودیوں کے ایک تاجر شیبہ کو قتل کردیا۔ محیصہ (رض) اس سے خریدو فروخت کرتے تھے محیصہ (رض) کے بھائی خویصہ (رض) نے ابھی اسلام قبول نہیں کیا تھا : خویصہ (رض) کو مارتے تھے اور کہتے : اے اللہ کے دشمن تو نے اسے قتل کیا ہے بخدا ! تیرے پیٹ میں جڑی ہوئی بیشتر چربی اسی کے مال سے ہے محیصہ (رض) کہتے ہیں میں نے بھائی کو جواب دیا : اللہ کی قسم رسول اللہ (صلی اللہ علیہ وآلہ وسلم) اگر تجھے قتل کرنے کا حکم دین اس سے بھی گریز نہیں کروں گا محیصہ (رض) کہتے ہیں بخدا ! یہی واقعہ خویصہ کے اسلام قبول کرنے کا ذریعہ بناکہا : بخدا ! اگر محمد تجھے میرے قتل کا حکم دیں تو مجھے قتل کردوگے ؟ محیصہ (رض) نے جواب دیا : اللہ کی قسم جی ہاں خویصہ بولے : بخدا ! تمہارے نزدیک دین کا معاملہ یہاں تک پہنچا ہے یہ تو عجیب بات ہے۔ (رواہ ابونعیم)
ابوسفیان کہتے ہیں : مدلوک (رض) کو صحبت کا شرف حاصل ہے۔