Kanz al-Ummal: Hadith 37552

٣٧٥٤١۔۔۔ یعلی بن اشدق سے مروی ہے کہ نابغہ (رض) کہتے ہیں : ایک مرتبہ میں نے نبی کریم (صلی اللہ علیہ وآلہ وسلم) کو اشعار سنائے جب کہ میں آپ کی دائیں طرف بیٹھا ہوا تھا۔
بلغنا السماء مجدناوجدودنا
وانالنزجوفوق ذالک مظھرا
ہم اپنی بزرگی و شرافت میں آسمان تک جاپہنچے ہیں اور ہم اس سے بھی کہیں اوپر جانے کی امید رکھتے ہیں آپ نے فرمایا :
اے ابولیلی۔ اس سے اوپر کہاں کا ارادہ ہے ؟ تمہاری ماں تمہیں گم پائے میں نے عرض کیا : جنت میں فرمایا : جی ہاں انشاء اللہ میں نے کہا :
ولاخیرفی علم اذالم یکن لہ
بوادرتحمی صفوہ ان یکدرا
ولاخیرفی جھل اذالم یکن لہ
حلیم اذا ما اور دالامراصدرا
اس علم میں کوئی خیروبھلائی نہیں جو صاف اور مکدر میں فرق نہ کرسکے اور اس جہالت میں بھی کوئی خیروبھلائی نہیں کا واسطہ کسی بردبار سے نہ پڑے اور وہ معاملہ کو جانچ نہ سکتا ہو۔
رسول کریم (صلی اللہ علیہ وآلہ وسلم) نے فرمایا : بہت اچھا اللہ تمہیں رسوا نہیں کرے گا۔ یعلی بن اشدق کہتے ہیں میں نے نابغہ (رض) کو دیکھا اس وقت ان کی عمر ایک سو بیس (١٢٠) سال تھی کہ ان کے منہ میں دانت نولی کے تھے اور یوں لگتے تھے جیسا کہ اولے ہوں۔ (رواہ ابن عساکر وابن النجار)