Kanz al-Ummal: Hadith 37839

٣٧٨٢٦۔۔۔ (مسند عمر (رض)) صعصعۃ بن معاویہ سے مروی ہے کہ حضرت اویس بن عامر تابعین میں سے تھے اور قرن سے تعلق رکھتے تھے (جس کی وجہ سے اویس قرنی) کہلاتے تھے۔ حضرت عمر بن خطاب (رض) نے ارشاد فرمایا : ہمیں رسول اللہ (صلی اللہ علیہ وآلہ وسلم) نے خبر دی ہے کہ تابعین میں قرن کا ایک آدمی ہوگا جس کو اویس بن عامر کہا جاتا ہوگا اس کو برص کی بیماری نکلے گی، وہ اللہ سے دعاکرے گا کہ اس کی یہ بیماری دورکردے۔
وہ دعا کرے گا : اے اللہ ! میرے جسم میں اتنا حصہ (اس بیماری کا) چھوڑ دے جس کو دیکھ کر میں تیری نعمت کو یاد رکھا کروں۔ چنانچہ اللہ نے اس کے جسم میں اتنا حصہ چھوڑ دیا جس کے ذریعے وہ اللہ کی اپنی اوپر نعمت کو یاد کرتا رہے۔
پھر حضرت عمر (رض) نے ارشاد فرمایا : پس تم میں سے جس کی ان سے ملاقات ہو اور وہ اس سے اپنے لیے مغفرت کی دعا کر اس کے تو ضرور کرائے۔ (الحسن بن سفیان، ابونعیم فی المعرفۃ البیھقی فی الدلائل، ابن عساکر)