Kanz al-Ummal: Hadith 37881

٣٧٨٦٨۔۔۔ حضرت عائشہ (رض) سے مروی ہے کہ میں نے عرض کیا : یارسول اللہ ! مجھے میرے چچا کے بیٹے ابن جدعان کے بارے میں بتائیے۔ حضور (صلی اللہ علیہ وآلہ وسلم) نے پوچھا : وہ کیسا آدمی تھا ؟ میں نے عرض کیا : وہ عمدہ اونٹ ذبح کیا کرتا تھا، پڑوس کا خیال رکھا کرتا تھا، مہمان کی اکرام نوازی کیا کرتا تھا، سچی بات کہتا تھا، عہد وذمہ داری کو پوری کرتا تھا، صلہ رحمی کرتا تھا، گردنوں کو غلامی سے چھڑاتا تھا، لوگوں کو کھانا کھلاتا تھا اور امانت ادا کیا کرتا تھا۔ حضور پاک (صلی اللہ علیہ وآلہ وسلم) نے پوچھا : کیا کبھی اس نے جہنم سے پناہ مانگی ؟ میں نے عرض کیا :
اللہ کی قسم ! وہ تو یہ نہیں جانتا تھا کہ جہنم کیا ہے ؟ تو حضور (صلی اللہ علیہ وآلہ وسلم) نے فرمایا : تب نہیں (یعنی اس کا آخرت پر یقین ہی نہیں تھا اس لیے وہ مومن نہیں تھا) ۔ (رواہ ابن النجار)