Kanz al-Ummal: Hadith 37911

٣٧٨٩٩۔۔۔ عبداللہ بن ابی اوفی (رض) سے مروی ہے کہ رسول اللہ (صلی اللہ علیہ وآلہ وسلم) نے ارشاد فرمایا : مجھے اپنے بھائیوں سے ملنے کا شوق ہے۔ حضرت عمر بن خطاب (رض) نے ارشاد فرمایا : یا رسول اللہ ! کیا ہم آپ کے بھائی نہیں ہیں ؟ حضور (صلی اللہ علیہ وآلہ وسلم) نے فرمایا : نہیں، تم تو میرے صحابی (دوست اور ساتھی) ہو۔ میرے بھائی وہ لوگ ہوں گے جو مجھ پر مجھے دیکھے بغیر ایمان لائیں گے۔
پھر حضرت ابوبکر (رض) تشریف لائے تو حضرت عمر (رض) نے حضرت ابوبکر (رض) کو حضور (صلی اللہ علیہ وآلہ وسلم) کے ارشاد کی خبردی۔ پھر رسول اللہ (صلی اللہ علیہ وآلہ وسلم) نے (ان کو ) ارشاد فرمایا : کیا تو ایسے لوگوں کو محبوب نہیں رکھتا جن کو جب یہ خبر پہنچے گی کہ تو مجھ سے محبت رکھتا ہے تو وہ تجھ سے بھی محبت رکھنے لگیں گے پھر اللہ پاک بھی ان کو اپنا محبوب بنالیں گے۔
کلام :۔۔۔ امام ابن کثیر (رح) فرماتے ہیں مذکور روایت ضعیف ہے اور اس روایت کی سند ضعیف ہے۔