Kanz al-Ummal: Hadith 37920

٣٧٩٠٨۔۔۔ سہیل بن ابی زینب سے مروی ہے کہ میں حضرت عمر بن عبدالعزیز (رح) کے پاس تھا : انھوں نے مجھے فرمایا : اے ابوقلابہ ! ہمیں کوئی حدیث بیان کرو تو میں نے عرض کیا :
رسول اللہ (صلی اللہ علیہ وآلہ وسلم) نے ارشاد فرمایا : (خواب میں) میں نے دیکھا کہ (اے صحابہ ! ) میں تمہاری امامت کررہا ہوں اور مجھے بادلوں کے سایوں نے آگھیرا، میں آگے بڑھ گیا، مجھے پھر بادلوں نے آگھیرا میں پھر آگے بڑھ گیا۔
(اس کی تعبیر یہ ہے کہ ) درحقیقت مجھ سے میری وہ امت آملی جو میرے بعد آئے گی۔
ان کے قلوب اور ان کے اعمال میرے اخلاق میں رنگے ہوں گے۔ (گویا دو زمانے یعنی تابعین اور تبع تابعین کے لوگ میرے نقش قدم پر ہوں گے۔ )
یہ سن کر حضرت عمر بن عبدالعزیز (رح) نے مجھے فرمایا : اے ابو قلابہ !
تم نے آج سے پہلے ہم کو یہ حدیث سنا کر خوش کیوں نہیں کیا۔ (رواہ ابن عساکر)