Kanz al-Ummal: Hadith 37923

٣٧٩١١۔۔۔ حضرت انس (رض) سے مروی ہے کہ نبی اکرم (صلی اللہ علیہ وآلہ وسلم) نے ارشاد فرمایا : مجھ سے میرے رب نے وعدہ فرمایا ہے کہ وہ میری امت میں سے ایک لاکھ افراد کو جنت میں داخل کرے گا۔ حضرت ابوبکر (رض) نے عرض کیا : یارسول اللہ ! اضافہ فرمائیے !
پھر آپ (صلی اللہ علیہ وآلہ وسلم) نے اپنے ہاتھ کو بھر کر اشارہ فرمایا (یعنی اللہ پاک اپنی ایک مٹھی بھر کر میری امت کے لوگ جنت میں داخل فرمائے گا) حضرت ابوبکر (رض) نے پھر عرض کیا : یا رسول اللہ ! مزید اضافہ فرمائیے ! حضرت عمر (رض) نے فرمایا : اللہ پاک قادر ہیں اس بات پر کہ ہم (سب) کو ایک مٹھی میں جنت میں داخل فرمادیں۔ حضور (صلی اللہ علیہ وآلہ وسلم) نے ارشاد فرمایا : عمر نے سچ کہا۔ (ابونعیم، الدیلمی)