Kanz al-Ummal: Hadith 37944

٣٧٩٣٢۔۔۔ حضرت جابر انصار (رض) سے مروی ہے کہ میں ایک دن رسول اکرم (صلی اللہ علیہ وآلہ وسلم) کی خدمت اقدس میں حاضر ہوا۔ آپ (صلی اللہ علیہ وآلہ وسلم) نے ارشاد فرمایا : خوش آمدید اے جویبر ! (جابر کو پیار سے جویبر فرماتے ہوئے (پھر آپ (صلی اللہ علیہ وآلہ وسلم) نے ارشاد فرمایا : اے انصار کی جماعت ! اللہ ! تمہیں جرائے خیر دے، جب لوگوں نے مجھے دھتکار دیا تھا تب تم لوگوں نے مجھے ٹھکانا دیا اور جب لوگوں نے مجھے رسوا کردیا تب تم نے میری مدد کرکے آگے بڑھے پس اللہ تم کو جزائے خیر دے اے انصار کے گروہ !
حضرت جابر (رض) فرماتے ہیں : میں نے عرض کیا : بلکہ اللہ آپ کو ہماری طرف سے جزائے خیر دے، آپ کی بدولت اللہ نے ہم کو اسلام کی ہدایت بخشی اور آپ کے طفیل اللہ نے ہم کو جہنم کے گڑھے سے نکالا اور آپ (کی شفاعت) کے طفیل ہم جنت کے بلند درجات پانے کی امید رکھتے ہیں۔ (رواہ الدیلمی)