Kanz al-Ummal: Hadith 38053

٣٨٠٤١۔۔۔ حضرت معاذ بن جبل (رض) سے روایت ہے فرمایا : نبی (صلی اللہ علیہ وآلہ وسلم) نے ارشاد فرمایا : اے اللہ ! ہمارے صاع اور مد میں برکت عطا فرما، ہمارے دائیں بائیں اور ہمارے حجاز میں برکت عطا فرما، تو آپ کے سامنے ایک شخص کھڑے ہو کر کہنے لگا : اللہ کے رسول ! ہمارے عراق میں، آپ نے اس کی طرف کوئی التفات نہیں کیا، جب دوسرا دن ہوا تو آپ نے اسی طرح کی دعا کی،تو وہی شخص کھڑا ہوا اور کہنے لگا : اللہ کے رسول ! ہمارے عراق ! تو آپ نے کوئی جواب نہ دیا، وہ شخص روتا ہوا چل دیا، آپ (صلی اللہ علیہ وآلہ وسلم) نے اسے بلایا اور فرمایا ! کیا تم عراقی ہو ؟ وہ عرض کرنے لگا : جی ہاں ! فرمایا : میرے والد ابراہیم (علیہ السلام) نے ان کے خلاف بددعا کرنا چاہی تو اللہ تعالیٰ نے وحی بھیجی کہ ایسا نہ کریں، کیونکہ میں نے ان لوگوں میں اپنے علم کے خزانے رکھے اور ان کے دلوں میں رحمت کو بسادیا ہے۔ (رواہ ابن عساکر)