Kanz al-Ummal: Hadith 38107

٣٨٠٩٥۔۔۔ (اسی طرح) عبید بن عمیر سے روایت ہے کہ حضرت عمر بن خطاب (رض) نے ایک شخص کو دیکھا جو حرم کا درخت کاٹ کر اپنے اونٹ کو کھلا رہا تھا، آپ نے فرمایا : اس شخص کو میرے پاس لے آؤ ! چنانچہ اسے لایا گیا، فرمایا : اللہ کے بندے ! کیا تجھے علم نہیں کہ مکہ حرام ہے نہ اس کا درخت کاٹا جائے اور نہ اس کے شکار کو بدکایا جائے، اور نہ اس کا لقطہ اٹھایا جائے ہاں جو اس کی تشہیر کرے ؟ وہ کہنے لگا : امیر المومنین ! مجھے اس کام پر صرف اس کمزور اونٹ نے برانگیختہ کیا ہے جسے میں چارکھلارہا ہوں مجھے خدشہ تھا کہ یہ مجھے منزل تک نہیں پہنچائے گا، میرے پاس نہ توشہ ہے اور نہ خرچ، آپ کا دل نرم پڑگیا باوجودیکہ آپ نے اسے سزادینے کا ارادہ کرلیا تھا پھر آپ نے اس کے لیے صدقہ کے ایک اونٹ کا حکم دیا جو آٹے سے لدا ہوا تھا، وہ اسے عطا کردیا، اور فرمایا : پھر ہرگز حرم کا کوئی درخت کاٹنے کے لیے نہ لوٹنا ! (فی المداراۃ)