Kanz al-Ummal: Hadith 38155

٣٨١٤٣۔۔۔ سفیان بن ابی زہیر سے روایت ہے کہ ان کا گھوڑا مقام عقیق میں ان کی سواری سے عاجز پڑگیا، اور یہ لوگ رسول اللہ (صلی اللہ علیہ وآلہ وسلم) کی بھیجی ہوئی جماعت میں تھے، وہ آپ کے پاس سواری طلب کرنے آگئے رسول اللہ (صلی اللہ علیہ وآلہ وسلم) ان کے لیے اونٹ تلاش کرنے لگے، جو آپ کو صرف ابوجہم بن حذیفہ عدوی (رض) کے پاس ملا، آپ نے ان سے سودا کیا وہ عرض کرنے لگے : اللہ کے رسول اللہ ! میں آپ کے ساتھ بھاؤ تاؤ نہیں کرتا، آپ جسے چاہیں سوار کردیں، آپ نے ا ونٹ لیا اور لے کر چل پڑے جب مقام اھاب پر پہنچے تو آپ (صلی اللہ علیہ وآلہ وسلم) نے فرمایا : عنقریب آبادی یہاں تک کہ پہنچ جائے گی، اور کچھ ہی عرصہ بعد شام فتح ہوگا اور اس شہر کے لوگ وہاں جائیں گے جنہیں اس کی آب وہوا اور خوشحالی اچھی لگے گی، چنانچہ وہ ان کی آبادی میں چلیں گے، لیکن اگر وہ جانیں تو مدینہ ان کے لیے بہتر ہے ابراہیم (علیہ السلام) نے اہل مکہ کے لیے (برکت کی) دعا کی اور میں اللہ تعالیٰ سے سوال کرتا ہوں کہ وہ ہمارے صاع اور مد میں برکت دے اور ہمارے مدینہ میں ایسی برکت دے جیسے مکہ والوں کو برکت دی۔ (رواہ ابن عساکر)