Kanz al-Ummal: Hadith 38216

٣٨٢٠٤۔۔۔ حضرت جابر (رض) سے روایت ہے کہ انھوں نے ایک دن رسول اللہ (صلی اللہ علیہ وآلہ وسلم) سے سنا، آپ منبر پر تھے آپ نے شام کی طرف دیکھا، پھر فرمایا : اے اللہ ! ان کے دل متوجہ کر، اے اللہ ! ان کے دل متوجہ کر، اور عراق کی طرف دیکھ کر ایسا ہی فرمایا، اور ہر طرف رخ کر کے یہی فرمایا، نیز فرمایا : یا اللہ ! ہمیں زمین کے پھل عطا فرما، ہمیں ہمارے مد اور صاع میں برکت عطا کر، اور فرمایا : مومن کی مثال اس ڈنٹھل کی سی ہے جو کبھی گرتا ہے اور کبھی سیدھا ہوجاتا ہے اور کافر کی مثال مضبوط درخت کی سی ہے جو برابر سیدھا رہتا اور پتہ بھی نہیں چلتا کہ گرجاتا ہے۔ (رواہ ابن عساکر)