Kanz al-Ummal: Hadith 38244

٣٨٢٣٢۔۔۔ حضرت ابن عمر (رض) سے روایت ہے ان کی ایک باندی آکر کہنے لگی : مجھ پر زمانہ کی سختیاں بڑھ گئی ہیں (آب وہوا ناموافق ہے) میں عراق جانا چاہتی ہوں، آپ نے فرمایا : تم شام جو محشر کی جگہ ہے وہاں کیونکر نہیں جاتی ! پگلی ! صبرکر، میں نے رسول اللہ (صلی اللہ علیہ وآلہ وسلم) کو فرماتے سنا ہے : جس نے مدینہ کی تکالیف اور مصائب پر صبر کیا میں اس کی شفاعت کروں گا یا قیامت کے روز اس کا گواہ ہوں گا، اور ایک روایت میں ہے جو بھی مدینہ کی تکالیف اور مصیبتوں پر صبر سے کام لے گا میں قیامت کے روز اس کی شفاعت کروں گا یا اس کی گواہی دوں گا۔ (رواہ ابن عساکر)