Kanz al-Ummal: Hadith 3838

3838: جبرائیل (علیہ السلام) بڑی اچھی صورت میں ہنستے مسکراتے ہوئے آئے اس طرح پہلے کبھی نہ آئے تھے اور فرمایا : السلام علیک یا محمد ! میں نے کہا : وعلیک السلام یا جبرائیل ! جبرائیل (علیہ السلام) نے کہا : اللہ عزوجل نے مجھے ایک تحفہ دے کر آپ کے پاس بھیجا ہے۔ میں نے کہا : اے جبرائیل (علیہ السلام) ! کیا ہے وہ ہدیہ ؟ فرمایا : وہ عرش کے نیچے کے خزانے کے کلمات ہیں۔ اللہ تعالیٰ نے ان کے ساتھ آپ کو معزز فرمایا ہے۔ میں نے کہا : وہ کون سے کلمات ہیں ؟ فرمایا :
يا من أظهر الجميل وستر القبيح يا من لا يؤاخذ بالجريرة ولا يهتک الستر يا عظيم العفو يا حسن التجاوز يا واسع المغفرة يا باسط اليدين بالرحمة يا صاحب کل نجوی ويا منتهى كل شكوى يا كريم الصفح يا عظيم المن يا مبتدئ بالنعم قبل استحقاقها يا ربنا ويا سيدنا ويا مولانا ويا غاية رغبتنا أسألك يا اللہ أن لا تشوي خلقي بالنار۔
اے وہ ذات جس نے اچھی شی کو ظاہر کیا اور قبیح کو چھپالیا، اے وہ ذات جس نے گناہ پر مواخذہ نہ کیا اور پردہ کو چاک نہیں کیا اے عظیم معاف کرنے والے ! اے بہترین تجاوز کرنے والے ! اے وسیع مغفرت والے ! اے رحمت بھرے دونوں ہاتھ پھیلانے والے ! اے ہر ایک سرگوشی کرنے والے کے ساتھی ! اے ہر شکوہ کی انتہاء ! اے کریم درگذر کرنے والے ! اے عظیم احسان کرنے والے ! اے پیغمبر حق کے انعام کرنے والے ! اے ہمارے رب ! اے ہمارے سردار ! اے ہمارے مولا ! اے ہماری آخری رغبت ! اے اللہ میں تجھ سے سوال کرتا ہوں کہ مجھے آگ کا عذاب مت دے۔ میں نے کہا ان کلمات کا ثواب (غالبا روایت آگے بھی ہے لیکن یہاں متروک ہے) ۔ (مستدرک الحاکم عن ابن عمرو) ۔
اس روایت پر ضعیف کے حوالہ کلام کیا گیا ہے۔