Kanz al-Ummal: Hadith 38726

٣٨٧١٤۔۔۔ جب مال غنیمت کو مال بنالیا جائے، امانت کو غنیمت، زکوۃ کو تاوان وجرمانہ، دنیا کے لیے علم حاصل کیا جائے، آدمی ماں کی نافرمانی کرے اور بیوی کی فرمان برداری کرے، اپنے باپ کو دور کرے اور دوست کو نزدیک، مسجدوں میں (شوروغل سے) آوازیں بلند ہونے لگیں، اور قبیلہ کا فاسق آدمی سردار بن جائے، اور قوم کا کمینہ ترین آدمی بڑا بن جائے، آدمی کے شر کے خوف سے اس کی عزت کی جائے، ڈومنائیں اور آلات موسیقی عام ہوجائیں شرابیں پی جانے لگیں ، اس امت کے پچھلے لوگ پہلوں پر لعنت کرنے لگیں، پس اس وقت سرخ ہوا، زلزلے، دھنساؤ، بگڑاؤ پتھراؤ اور پے درپے نشانیوں کا انتظار کریں جیسے موتیوں کی لڑی کاٹ دی جائے اور موتی لگاتار گرنے لگیں۔ (ترمذی عن ابوہریرہ )
کلام :۔۔۔ ضعیف الترمذی ٣٨٧، ضعیف الجامع ٢٨٧۔