Kanz al-Ummal: Hadith 3895

3895: جس نے لا الہ الا اللہ واللہ اکبر اللہ کے سوا کوئی معبود نہیں اور اللہ سب سے بڑا ہے۔ کہا تو اللہ پاک اس کی تصدیق میں فرماتے ہیں لا الہ الا انا۔ وانا اکبر۔ ہاں میرے سوا کوئی معبود نہیں اور میں ہی سب سے بڑا ہوں۔ اور جب بندہ کہتا ہے : لا الہ الا اللہ وحدہ۔ اللہ کے سوا کئی معبود نہیں وہ تنہا ہے۔ تو اللہ پاک فرماتے ہیں لا الہ الا انا وانا وحدی۔ ہاں میرے سوا کوئی معبود نہیں اور میں تنہا ہوں۔ اور جب بندہ کہتا ہے لا الہ الا اللہ وحدہ لا شریک لہ، اللہ کے سوا کوئی معبود نہیں وہ اکیلا ہے اس کا کوئی شریک نہیں تو اللہ پاک فرماتے ہیں لا الہ الا انا وحدی لا شریک لی۔ ہاں میرے سوا کوئی معبود نہیں میں تنہا ہوں میرا کوئی شریک نہیں۔ اور جب بندہ کہتا ہے : لا الہ الا اللہ لہ الملک ولہ الحمد۔ اللہ کے سوا کوئی معبود نہیں، ساری بادشاہت اسی کے لیے ہے اور اسی کے لیے تمام تعریفیں ہیں۔ تو اللہ پاک اس کے جواب میں فرماتے ہیں لا الہ الا انا لی الملک ولی الحمد۔ ہاں میرے سوا کوئی معبود نہیں، میری ہے ساری بادشاہت اور میرے لیے ہیں سب تعریفیں۔
جب بندہ کہتا ہے : لا الہ الا اللہ ولا حول ولا قوۃ الا باللہ۔ اللہ کے سوا کوئی معبود نہیں اور ہر طرح کی طاقت و قوت اللہ ہی کے پاس ہے۔ تو اللہ پاک فرماتے ہیں : لا الہ الا انا ولاحول ولا قوۃ الا بی۔ ہاں میرے سوا کوئی معبود نہیں اور ہر طرح کی طاقت و قوت میرے ہی پاس ہے۔
جو شخص ان کلمات کو اپنی زندگی میں پڑھتا رہا اور مرض موت میں بھی پڑھا تو جہنم کی آگ اس کو نہیں کھا سکے گی۔ (ترمذی حسن عن ابی سعید و ابوہریرہ (رض))