Kanz al-Ummal: Hadith 39049

٣٩٠٣٦۔۔۔ جہنم پر ایک پل ہے جو بال سے باریک اور تلوار سے تیز، اس کا بالائی حصہ جنت کی طرف پھسلن والا ہے جس پر دونوں جانب آنگڑے اور آگ کے کانٹے ہیں، اللہ تعالیٰ اس پر اپنے بندوں میں سے جسے چاہے گا جمع کرے اس دن پھسلنے والے مرد اور عورتیں بیشمار ہوں گے اور اس کے دونوں جانب فرشتے کھڑے پکار رہے ہوں گے : اے اللہ سلامت رکھ ! سلامت رکھ ! جو حق (توحید) لایا وہ گزر جائے گا اس دن لوگوں کو ان کے ایمان و اعمال کے بقدر نور دیا جائے گا ان میں سے کوئی تو بجلی کی چمک کی طرح گزر جائے گا کوئی ہوا کے جھونکے کی طرح اور کسی کو پاؤں دھرنے کی جگہ نور دیا جائے گا، کوئی گھٹنے ٹیک کر چلے گا، لوگوں نے جو گناہ کئے ہوں گے ان کی وجہ سے آگ انھیں پکڑے گی، وہ لوگوں ک و ان کے گناہوں کے بقدر جسے اللہ چاہے گا جلائے گی یہاں تک کہ وہ نجات پالیں گے، پہلی جماعت سے ستر ہزار بغیر حساب و عذاب کے بچ نکلیں گے ان کے چہرے چودہویں رات کے چاند کی طرح ہوں گے اور ان کے قریب والے لوگ ستاروں کی طرح یہاں تک کہ وہ جنت تک اللہ تعالیٰ کی رحمت کے ذریعہ پہنچ جائیں گے۔ (بیھقی وضعف عن انس)