Kanz al-Ummal: Hadith 39111

٣٩٠٩٨۔۔۔ ایک جنتی جھانک کر جہنمی لوگوں کی طرف دیکھے گا تو ایک جہنمی اسے آواز دے گا : اے بھائی ! کیا تو مجھے جانتا نہیں ؟ وہ کہے گا : اللہ کی قسم ! میں تو تجھے نہیں جانتا، تیرا برا ہو تو کون ہے ؟ وہ کہے گا : میں وہ ہوں کہ دنیا میں تو میرے پاس سے گزرا تھا تو نے مجھ سے پانی کا گھونٹ مانگا تھا میں نے تمہیں سیراب کیا تھا اپنے رب سے میرے لیے شفاعت کرو تو یہ شخص اپنے گشت میں اللہ کے حضور جاکر عرض کرے گا۔ اے میرے رب ! میں نے جہنمی لوگوں کو جھانک کر دیکھا تو ان میں سے ایک شخص مجھے کہنے لگا : اے فلاں ! کیا تو مجھے نہیں جانتا ؟ میں نے کہا : اللہ کی قسم ! نہیں، میں تجھے نہیں جانتا تو کون ہے ؟ وہ کہنے لگا : میں وہی ہوں، دنیا میں تو میرے پاس سے گزرا اور مجھ سے پانی مانگا تھا میں نے تجھے پانی پلایا تھا، اپنے رب سے میری شفاعت کر، اے میرے رب ! اس کے بارے میں میری شفاعت قبول کر، پس اللہ تعالیٰ اس کے متعلق اللہ کی شفاعت قبول کرلے گا اور اسے جہنم سے نکال لے گا۔ (ابویعلی عن انس)