Kanz al-Ummal: Hadith 3938

3938: نیز اسی طرح ہم رسول اللہ (صلی اللہ علیہ وآلہ وسلم) کے ساتھ چل رہے تھے کہ نبی کریم (صلی اللہ علیہ وآلہ وسلم) نے پوچھا : سابقین کہاں ہیں ؟ میں نے کہا : کچھ لوگ گذر گئے اور کچھ لوگ رہ گئے۔ آپ (صلی اللہ علیہ وآلہ وسلم) نے پھر دریافت فرمایا : اللہ کے ذکر کی وجہ سے سبقت کرنے والے کہاں ہیں ؟ جو پسند کرے کہ جنت کے باغات میں چرے وہ کثرت کے ساتھ اللہ کا ذکر کرے۔ ابن شاہین موسیٰ عن عبیدہ الربذی۔
کلام : موسیٰ بن عبیدہ ربذی جو اس حدیث کے ایک راوی ہیں، جن کی وفات 153 ھ میں ہوئی، امام احمد (رح) فرماتے ہیں ان کی حدیث نہیں لی جاتی، امام نسائی (رح) وغیرہ فرماتے ہیں یہ ضعیف ہیں۔ میزان الاعتدال 4/213 ۔