Kanz al-Ummal: Hadith 3948

3948: (ابو ایوب الانصاری (رض)) حضرت ابو ایوب (رض) سے مروی ہے کہ جس رات رسول اکرم (صلی اللہ علیہ وآلہ وسلم) کو آسمانوں کی سیر کرائی گئی، حضرت جبرائیل (علیہ السلام) آپ کو لے کر حضرت ابراہیم خلیل الرحمن (علیہ السلام) کے پاس سے گذرے، حضرت ابراہیم (علیہ السلام) نے حضرت جبرائیل (علیہ السلام) سے دریافت کیا : یہ آپ کے ساتھ کون ہیں ؟ جبرائیل (علیہ السلام) نے فرمایا : یہ محمد (صلی اللہ علیہ وآلہ وسلم) ہیں۔ حضرت ابراہیم (علیہ السلام) نے فرمایا : اے محمد ! اپنی امت کو کہو کہ جنت میں کثرت کے ساتھ درخت لگا لیں، جنت کی زمین بہت وسیع ہے اور اس کی مٹی بھی بہت عمدہ ہے۔ حضور اقدس (صلی اللہ علیہ وآلہ وسلم) نے حضرت ابراہیم (علیہ السلام) سے دریافت کیا : جنت کے درخت کیا ہیں ؟ حضرت ابراہیم (علیہ السلام) نے فرمایا : لا حول ولا قوۃ الا باللہ، ابو نعیم وابن النجار۔