Kanz al-Ummal: Hadith 3964

3964: (علی (رض)) علی بن ربیعہ سے مروی ہے وہ فرماتے ہیں مجھے حضرت علی (رض) نے اپنے پیچھے سواری پر سوار کرایا اور حرہ کی جانب مجھے لے چلے ۔ (راستے میں) اپنا سر مبارک آسمان کی طرف اٹھا کر کہنے لگے :
اللہم اغفر لی ذنوبی انہ لا یغفر الذنوب احد غیرک۔
اے اللہ میرے گناہوں کو معاف فرما، بیشک تیرے سوا کوئی گناہوں کو معاف نہیں کرسکتا۔
پھر حضرت علی (رض) میری طرف متوجہ ہوئے اور ہنسنے لگے۔ میں نے عرض کیا : اے امیر المومنین ! آپ نے اپنے رب سے استغفار کیا پھر میری طرف دیکھ کر ہنسنے لگے ؟ حضرت علی (رض) نے فرمایا : رسول اللہ (صلی اللہ علیہ وآلہ وسلم) نے بھی مجھے (ایک مرتبہ) اپنے پیچھے سوار کرایا پھر حرہ کی طرف لے چلے۔ پھر آسمان کی طرف سر اقدس اٹھا کر یہی دعا کی :
اللہم اغفر لی ذنوبی فانہ لا یغفر الزنوب احد غیرک۔
پھر میری طرف دیکھ کر ہنسنے لگے ؟ تو رسول اکرم (صلی اللہ علیہ وآلہ وسلم) نے ارشاد فرمایا : میں اپنے رب کے ہنسنے کی وجہ سے ہنس پڑا ، رب تعالیٰ اپنے بندے پر تعجب (اور فخر) کرتے وئے ہنستے ہیں کہ بندہ جانتا ہے اس کے سوا کوئی اس کے گناہوں کو بخشنے والا نہیں ہے۔ مصنف ابن ابی شیبہ، ابن منیع۔
یہ حدیث صحیح ہے۔