Kanz al-Ummal: Hadith 39684

٣٩٦٧١۔۔۔ حضرت علی (رض) سے روایت ہے فرمایا : مہدی کی پیدائش گاہ مدینہ ہے وہ رسول اللہ (صلی اللہ علیہ وآلہ وسلم) کے گھرانے سے ہوگا اس کا نام نبی کے نام جیسا ہوگا اور اس کی ہجرت کی جگہ بیت المقدس ہے (اس کا حلیہ یہ ہے) گھنی داڑھی سرمگیں آنکھیں چمکدار دانت چہرے پر تل ناک کا بانسہ اٹھا ہوا اس کے کندھے پر نبی (صلی اللہ علیہ وآلہ وسلم) کی علامت ہوگی وہ نبی (صلی اللہ علیہ وآلہ وسلم) کا جھنڈا لے کر نکلے گا جو چوکور کالی منقش چادر سے بنا ہوگا اس میں پتھر ہوگا جب سے رسول اللہ (صلی اللہ علیہ وآلہ وسلم) فوت ہوئے تب سے وہ کھلی نہیں گئیں اور جب تک مہدی نہیں نکلے گا کھولی نہیں جائیں گی اللہ تعالیٰ تین ہزار فرشتوں سے اس کی مددکرے گا جو اس کے مخالفین کی گردنوں اور پیٹھوں پر ماریں گے وہ تیس سے چالیس کے درمیانی زمانہ میں بھیجا جائے گا۔ (رواہ ابونعیم)