Kanz al-Ummal: Hadith 39804

٣٩٧٩١۔۔۔ حضرت عمر (رض) سے روایت ہے فرمایا : اسراء کی رات رسول اللہ (صلی اللہ علیہ وآلہ وسلم) نے جبرائیل سے فرمایا : مجھے جہنم کے نگران مالک سے ملاؤتو وہ آپ کو ان کے پاس لے گئے آپ نے فرمایا : مالک ! یہ محمد رسول اللہ ہیں انھوں نے کہا : انھیں بھیجا گیا ہے ؟ فرمایا : ہاں وہ یہ اوپر کھڑے ہیں آپ نے اسے دیکھا تو وہ ایک تندخوغضبناک شخص ہے جس کے چہرے سے غصہ معلوم ہوتا ہے آپ (صلی اللہ علیہ وآلہ وسلم) نے فرمایا : مالک ! جہنم کا حال بتاؤ ! وہ کہنے لگے : محمد ! اس ذات کی قسم ! جس نے آپ کو حق دے کر بھیجا ہے اس زنجیر کا ایک حلقہ جس کا ذکر اللہ تعالیٰ نے کیا ہے دنیا کے کسی پہاڑ پر رکھ دیا جائے تو وہ پگھل جائے یہاں تک کہ نچلی زمین کی سرحدوں تک پہنچ جائے۔
جہنم میں ایک وادی ہے جو اللہ کی جہنم سے دن میں ستر مرتبہ پناہ مانگتی ہے اور اس وادی میں ایک کنواں ہے جو اس وادی اور جہنم سے اللہ تعالیٰ کی پناہ ستر مرتبہ مانگتا ہے اور کنویں میں ایک گڑھا ہے جو اس کنوئیں اس وادی اور جہنم سے اللہ تعالیٰ کی ستر مرتبہ مانگی ہے اور اس گڑھے ایک سانپ ہے جو ایک مرتبہ پناہ مانگتا ہے اللہ تعالیٰ نے اسے آپ کی امت کے فاسق حفاظ قرآن کے لیے تیارکر رکھا ہے۔ (ابن مردویہ وفیہ عمر بن راش داکلد ینی وقال ابو حاتم وجدت حدیثہ کذباً )