Kanz al-Ummal: Hadith 4002

4002: (سہل (رض) بن سعد) حضرت سہل بن سعد (رض) سے مروی ہے کہ رسول اکرم (صلی اللہ علیہ وآلہ وسلم) (باہر) تشریف لائے تو حضرت طلحہ (رض) کو سامنے پایا۔ حضرت ابوطلحہ (رض) آپ سے ملے اور عرض کیا : یا رسول اللہ ! آپ پر میرے ماں باپ فدا ہوں۔ میں آپ کے چہرے میں خوشی کے اثرات دیکھ رہا ہوں ؟ حضور (صلی اللہ علیہ وآلہ وسلم) نے فرمایا : ابھی میرے پاس جبرائیل (علیہ السلام) تشریف لائے تھے، انھوں نے فرمایا : اے محمد ! جو آپ پر ایک بار درود بھیجے گا ، اللہ پاک اس پر دس رحمتیں نازل فرمائے گا دس برائیاں مٹائے گا اور اس کے دس درجے بلند فرمائے گا۔ (رواہ ابن النجار)