Kanz al-Ummal: Hadith 4006

4006: (کعب (رض) بن عجرہ) حضرت کعب بن عجرہ (رض) فرماتے ہیں : میں نبی اکرم (صلی اللہ علیہ وآلہ وسلم) کی خدمت میں بیٹھا تھا کہ ایک شخص آیا اور عرض کیا : یا رسول اللہ آپ پر سلام کیسے بھیجا جائے یہ تو ہم نے جان لیا (آپ یہ بتائیں کہ) ہم آپ پر درود کیسے بھیجیں ؟ حضور (صلی اللہ علیہ وآلہ وسلم) نے فرمایا : یوں کہو :
اللہم صل علی محمد و علی آل محمد ، کما صلیت علی ابراہیم و علی آل ابراہیم انک حمید مجید، اللہم وبارک علی محمد وعلی آل محمد، کما بارکت علی ابراہیم وعلی آل ابراہیم انک حمید مجید۔
اے اللہ ! محمد اور آل محمد پر درود (رحمت) بھیججس طرح آپ نے ابراہیم اور آل ابراہیم پر درود نازل فرمایا۔ لاریب آپ سزاوار حمد اور بزرگی والے ہیں۔ اے اللہ محمد اور آل محمد پر برکات کا نزول فرما جس طرح آپ نے ابراہیم اور آل ابراہیم پر برکات نازل فرمائیں، بیشک آپ سزاوار حمد اور بزرگی والے ہیں۔ مصنف عبدالرزاق۔