Kanz al-Ummal: Hadith 4008

4008: حضرت ابو طلحہ (رض) فرماتے ہیں : میں حضور اکرم (صلی اللہ علیہ وآلہ وسلم) کی خدمت میں حاضر ہوا آپ کا چہرہ خوشی سے دمک رہا تھا۔ میں نے عرض کیا : یا رسول اللہ ! میں آپ کو آج ایسے حال میں دیکھ رہا ہوں جو آج سے پہلے نہیں دیکھا تھا۔ آپ (صلی اللہ علیہ وآلہ وسلم) نے فرمایا : مجھے کیا مانع ہے (اس خوشی سے) ابھی میرے پاس جبرائیل (علیہ السلام) تشریف لائے تھے اور فرما گئے ہیں : اپنی امت کو خوش خبری دے دیجیے کہ جو شخص آپ پر ایک مرتبہ درود بھیجے گا اس کے لیے دس نیکیاں لکھی جائیں گی، دس برائیاں مندمل کی جائیں گی اور دس درجے بلند کیے جائیں گے، اللہ پاک کہنے والے پر اس کے کلمات کے مثل لوٹائیں گے اور قیامت کے دن آپ کو یہ کلمات پیش کیے جائیں گے۔ الکبیر للطبرانی۔