Kanz al-Ummal: Hadith 4010

4010: ابو طلحہ (رض) سے مروی ہے کہ میں رسول اللہ (صلی اللہ علیہ وآلہ وسلم) کی خدمت میں حاضر ہوا میں نے آپ کو خوش دل اور پر رونق چہرہ محسوس کیا۔ میں نے عرض کیا : یا رسول اللہ ! آج سے زیادہ میں نے آپ کو کبھی خوش دل نہیں دیکھا۔ آپ (صلی اللہ علیہ وآلہ وسلم) نے فرمایا واقعی اور مجھے اس خوشی سے کیا مانع ہے کہ فرشتے نے مجھے خبر دی ہے کہ جس نے آپ پر ایک مرتبہ درود پڑھا اس پر میں (اللہ) اور ملائکہ دس مرتبہ رحمت بھیجیں گے اور جس نے آپ پر ایک مرتبہ سلام بھیجا میں اور ملائکہ اس پر دس بار سلام بھیجیں گے۔ الکبیر للطبرانی۔