Kanz al-Ummal: Hadith 40181

٤٠١٦٨۔۔۔ یزید بن ابی منصور سے روایت ہے کہ حضرت عمربن خطاب (رض) کو اس بات کی اطلاع پہنچی کہ بحرین پر ان کے گورنر ابن الجارودیا ابن ابی الجارود کے پاس ایک شخص لایا گیا جسے اور پاس کہا جاتا تھا اس کے خلاف گواہی تھی کہ وہ مسلمانوں کے دشمن سے خط و کتابت کرتا اور ان سے مل جانے کا عزم رکھتا ہے تو مذکورہ گورنرنے اسے قتل کردیاجب کہ وہ کہہ رہا تھا۔ہائے عمر ! ہائے عمر ! مری مدد کرو، تو حضرت عمرنے اپنے گورنر کو لکھا کہ وہ ان کے پاس آئے جب وہ آیا تو حضرت عمر علیحدہ اس کے لیے بیٹھے آپ کے ہاتھ میں ایک بھالہ تھا، جب وہ آپ کے پاس کمرہ میں آیا تو آپ نے بھالہ سے اس کی داڑھی اوپر چڑھائی اور فرمانے لگے : اور پاس ! میں حاضر ہوں اور پاس ! میں حاضر ہوں اور جارود کہنے لگے : امیرالمومنین اس نے ان سے مسلمانوں کی پوشیدہ باتیں کی ہیں اور ان سے الحاق کا عزم کیا تھا، حضرت عمر نے فرمایا تم نے صرف اس کے ارادہ پر اسے مار ڈالا، ہم میں سے کس نے اس کا ارادہ نہ کیا، اگر یہ طریقہ نہ پڑجاتا تو میں تمہیں اس کے بدلہ قتل کردیتا۔ رواہ ابن جریر۔