Kanz al-Ummal: Hadith 40202

٤٠١٨٩۔۔۔ زید بن وھب سے روایت ہے فرماتے ہیں : ایک دفعہ حضرت عمر (رض) باہر نکلے اور ان کے دونوں ہاتھ ان کے کانوں میں تھے اور وہ یہ کہتے جارہے تھے : میں حاضرہوں ! میں حاضرہوں ! لوگوں نے کہا : انھیں کیا ہوگیا ہے ؟ تو انھوں نے کہا : ان کے پاس ان کے کسی امیر کی طرف سے خبر آئی کہ ان کے سامنے ایک نہر آگئی اور ان کے پاس کشتیاں نہ تھیں تو ان کا امیر کہنے لگا : ہمارے لیے کوئی شخص تلاش کروجونہر کی گہرائی جان سکے، اتنے میں ایک بوڑھاشخص لایا گیا وہ کہنے لگا : مجھے ٹھنڈک کا خدشہ ہے اور وہ سردیوں کا موسم تھا، چنانچہ امیرنے اسے مجبور کیا اور نہر میں اتاردیا، ٹھنڈک نے اسے زیادہ دیر نہیں رکھا کہ وہ پکار کر کہنے لگا : ہائے عمر ! پھر وہ ڈوب گیا، آپ نے اس امیر کی طرف خط لکھا، وہ آپ کے پاس آیا، آپ کچھ دن اس سے اعراض کرتے رہے، آپ کو جب بھی کسی پہ غصہ آتا اسے اس کی سزا دیتے، پھر آپ نے فرمایا : اس شخص کا کیا ہوا جسے تم نے قتل کردیا تھا ؟ وہ کہنے لگا : امیرالمومنین ! میں نے اسے قتل کرنے کا ارادہ تو نہ کیا تھا ہمارے پاس نہرعبور کرنے کی کوئی چیز نہ تھی ہم نے چاہا کہ پانی کی گہرائی کا پتہ لگاسکیں، پھر ہم نے اس طرح کیا، تو حضرت عمرنے فرمایا : ایک مسلمان شخص مجھے ان سب چیزوں سے زیادہ عزیز ہے جو تم لے کر آئے ہو، اگر طریقہ پڑجانے کا خوف نہ ہوتا تو میں تمہاری گردن اڑادیتاجاؤ ! اس کے گھروالوں کو دیت دو اور یہاں سے چلے جاؤ، پھر مجھے نظر نہ آؤ۔ دواہ البیھقی