Kanz al-Ummal: Hadith 40223

٤٠٢١٠۔۔۔ عکرمہ سے روایت ہے فرمایا : ایک شخص نے ایک شخص کو سینگ سے زخمی کیا، تو وہ نبی (صلی اللہ علیہ وآلہ وسلم) کے پاس آیا اور کہنے لگا : مجھے بدلہ دلوایئے آپ نے فرمایا : رہنے دویہاں تک کہ تم تندرست ہوجاؤ (لیکن) اس نے دویاتین مرتبہ یہی تکرار کی اور نبی (صلی اللہ علیہ وآلہ وسلم) فرما رہے تھے تندرست ہونے تک رہنے دو ، پھر آپ نے اسے بدلہ دلوایا، بعد میں بدلہ لینے والا لنگڑا ہوگیا، دوبارہ وہ نبی (صلی اللہ علیہ وآلہ وسلم) کی خدمت میں حاضر ہو کر کہنے لگا : میرا شریک ٹھیک ہوگیا اور میں لنگڑا ہوگیا، تو نبی (صلی اللہ علیہ وآلہ وسلم) نے فرمایا : کیا میں نے تمہیں حکم نہیں دیا تھا کہ ٹھیک ہونے تک بدلہ نہ طلب کرو (لیکن) تم نے میری نافرمانی کی تو اللہ تعالیٰ نے تمہیں دور کیا اور تمہاری لنگڑاہٹ برباد کردی، پھر نبی (صلی اللہ علیہ وآلہ وسلم) نے حکم دیا کہ جس کے زخم ہوں وہ اپنے زخم ٹھیک ہونے تک بدلہ طلب نہ کرے۔ زخم جس مقدار کو پہنچے اس کے مطابق معاملہ ہوگا، اور عضو کی بےکارگی یالنگڑاہٹ تو اس میں بدلہ نہیں بلکہ اس میں تاوان ہے، اور جس نے کسی زخم کا بدلہ طلب کیا پھر جس سے بدلہ طلب کیا گیا اسے نقصان پہنچاتو اس کے شریک کے زخم سے جتنا نقصان ہوا اس کا تاوان دیناپڑے گا اور آپ نے یہ فیصلہ کیا کہ حق ولاء آزاد کرنے والے کو ہے۔ رواہ عبدالرزاق